ForumHomeRegjistrohuidentifikimi



Share | 
 

 Topalli zgjidhet zv/Presidente e Unionit Ndërparlamentar Botëror

Shiko temën e mëparshme Shiko temën pasuese Shko poshtë 
AutoriMesazh
Fatjon
Boss
Boss
avatar

Numri i postimeve : 215
Data e Regjistrimit : 29/06/2010
Vendodhja : Europa

MesazhTitulli: Topalli zgjidhet zv/Presidente e Unionit Ndërparlamentar Botëror   Thu Jul 08, 2010 12:24 am


Kryetarja e Kuvendit të Shqipërisë, Jozefina Topalli është zgjedhur zëvendës Presidente e Unionit Ndërparlamentar Botëror (IPU). Ajo është përzgjedhur ndër 155 Kryetarë të parlamenteve të të gjitha vendeve të Botës, anëtarë të IPU-së, kanë njoftuar sot për kombëtaren "Bota sot", zyrtarët e UPI në Gjenevë.
Znj.Luisa Ballin, shef për komunikim e UPI-së, duke konsideruar një sukses për Shqipërinë dhe shqiptarët zgjedhjen e zonjës Topalli në krye të kësaj organizate botërore i ka deklaruar gazetës kombëtare “Bota sot” se:" IPU-ja është një ndër organizmat më të rëndësishëm të politikës botërore, i cili ka në fokus dialogun ndërparlamenar dhe bashkërendimin e agjendave në përballimin e sfidave me interes global, si dhe mbrojtjen e të drejtave të njeriut".
Në cilësinë e zëvendës Presidentes, zonja Jozefina Topalli është e ftuar nga Presidenti i IPU-së, Dr. Theo-Ben Gurirab, në Konferencën e tretë botërore të Kryetarëve të Parlamenteve, një samit global i fokusuar në rolin thelbësor të institucioneve legjislative në politikën botërore dhe marrëdhënien e tyre me Organizatën e Kombeve të Bashkuara.
Ky takim i nivelit të lartë do të mbahet në qendrën e IPU-së, në zyrat e Kombeve të Bashkuara të njohur si Pallati i Kombeve, në Gjenevë, më 19-21 korrik 2010.
Tema qendrore e këtij evenimenti unik, me një rëndësi të madhe politike, është “Parlamentet në një kohë krize botërore; sigurimi i një demokracie globale për të mirën e përbashkët”, ku Kryetarja e Kuvendit do të mbajë edhe një fjalim mbi: “Forcimin e besueshmërisë politike mes parlamentit dhe qytetarëve”.
Përpara kësaj Konference, Kryetarja e Kuvendit është e ftuar të marrë pjesë edhe në Konferencën e gjashtë vjetore të grave Kryeparlamentare që do të mbahet në Bernë, në datat 16-17 korrik 2010. Kjo konferencë do të organizohet nën kujdesin e Presidentit të IPU dhe Parlamentit të Zvicrës.
Ky takim do të fokusohet, jo vetëm në sfidat për arritjen e barazisë gjinore , por në veçanti në arritjen e Objektivave të Mijëvjeçarit për kujdesin ndaj foshnjave dhe nënave. Konferenca do të kontribuojë edhe në përgatitjet e takimit mbi rishikimin e Objektivave të Mijëvjeçarit, që do të mbahet në shtator në Selinë e Kombeve të Bashkuara në New York.
Mbrapsht në krye Shko poshtë
http://www.botashqip.com
 
Topalli zgjidhet zv/Presidente e Unionit Ndërparlamentar Botëror
Shiko temën e mëparshme Shiko temën pasuese Mbrapsht në krye 
Faqja 1 e 1

Drejtat e ktij Forumit:Ju nuk mund ti përgjigjeni temave të këtij forumi
 :: POLITIKA, EKONOMIA DHE BISNESI :: Politika e huaj-
Kërce tek:  
Free forum | © phpBB | Forum mbështetës | Kontakto | Report an abuse | Have a free blog with Sosblogs